الكريم اللي بذل مايستطيع = لو حداه الوقت مايشكي فقر
كل خير(ن) يبذله لا مايضيع = عند رب البيت ماضاع الاجر
يحسن ابقوله ويحسن فاالصنيع =رحب ابضيفه ليامنه حضر
يكرم الضيفان له صدر(ن) وسيع = لويضيق البال ماضاق الصدر
للسوالف يشتري والها يبيع = والسلوم الطيبه تاج الفخر
دلة الرسلان والقول البديع = باالكرم والجود اسمه مشتهر
جوع بطنه لو تسمع له قريع = ماتعذر من ضيوفه باالعذر
الكريم اللي بذل مايستطيع = لو حداه الوقت مايشكي فقر