السلام عليكم ورحمة الله وبركاته
كل عام وانتم بخير ان شاءالله. هذه قصيده خاصه .واليوم بمناسبة العيد. ونقضى الشهر الفضيل. قررت انزلها هنا. عسى تنال اعجابكم...
صحيح بالامثال كلمه ثمينه=كلمه على الواقع عرفنا ثمنها
من شان عين يقال تكرم مدينه=تكرم ويكرم كل من يحتضنها
تصير زينه لو ماهي بزينه= تصير زينه لجل غرو ٍ سكنها
شيهانة ٍ عين الشياهين عينه= الله يصد اسهوم الاشرار عنها
خوفي على المزيون من والدينه=حتى امها من حسنها تغار منها
يالهفة المشتاق يايا سمينه=يعذب بيوت الشعر يعذب لحنها
جريت صوتي بالحون الحزينه=وان هارت اعصابي وكبدي طعنها
طعنات حبه في فوادي مكينه=يوم استويت امام عينه مكنها
اقوى وشد من الرماح السنينه=اسهوم عينه في فوادي دفنها
فتنت زمن والقلب ربي يعينه=عزالله اَنْها فتنة ٍ في زمنها
صحيح بالامثال كلمه ثمينه=كلمه على الواقع عرفنا ثمنها