للتواصل بعد الفاصل اليكم تحصيل حاصل
الأبيات
كنت اعتقد اني معك يوم برتاح=لكن حسافه ماش وإياك راحه
خليني ارحل وانكش جراح بجراح=الله يعين القلب ما اكبر جراحه
يهناك يا قلب العنا هم ونواح=ولى زمانك والكسب والرباحه
ماعاد به فرقٍ(ن)بماجا وما راح=مات الفرح واللي كسبته مناحه
الحظ أشوفه كل ما صحت به طاح=وجه الزمن شائن وكله كلاحه
ماني بلاقي فيك ياوقتي أرباح=حيرت عقلي والفكر والرجاحه
من يوم شفت الولف يدفن بالأفراح=تحت رماد الهجر والوجه شاحه
وشلون بعد الود تنضام الأرواح=وأعذب عبارات المودة وقاحه
أحلى كلامي في بحر جفوته ماح=وأحلى كلامه صار كله ملاحه
ما يدري إن السر بالقلب ما إنباح=تحرسه نبضاته ولا يوم باحه
ياللي تحسب الحب يبقى بلا إفصاح=الحب ما يحيا بليا صراحه
كان الهوى ما أشغلك مسرى ومسراح=لا تقول قلبي والغرام إستباحه
الحب ما يخضع لقانون مزاح=الحب صدقه مايشابه مزاحه
إن كان قلب الولف ماصار سماح=الحب ما يكبر بليا سماحه
كنت اعتقد اني معك يوم برتاح=لكن حسافه ماش وإياك راحه