كم فاتني بالوقت واللي بقي كم = وايامنامثل بعضها تشابه
الاسئله تطرح على الفكر بالكم = وللاغلبيه ماوجدناالاجابه
اذا طرا لي هاجسً قلت اله سم = الشعر للشعــارمفتوح بابه
اصخر من سمان البيوت المحكم=والشعر لومه فوق متـن لا اعتنابه
مابالزمن شيً على حاله يتم = دام الزمن له ميلــتةً وانقلابه
واللي من دروس الدهر ماتعلم =يطرد وراء قيـتضً يتوه سرابه
يامل قلبً عانق الحزن والهم = همً يصابح به وهتمً سرابه
صابرعلى جرحي ومنه اتالم =لا احد دراعني ولحدً درابه
طيش الكائبه زاد والجو عتم = ورمحه بوسط القلب معتلق صوابه
وقتً نهاره كنها ليل لااظلم = وليلً بليا نورماينسرابه
البغض زايد والفتن والتخاصم =بين الاقراب شبت اكبر حرابه
ماكنه بربع وخوان وبن يعم = ولاكن تربطهم روابط قرابه
نسيوا روابطهم بالانساب والدم = وراحواعلى درب المصالح نهتابه
كسب المصالح بالعقول يتحكـم = سيطرعلى حدس الرجل الوسطابه
الرابح الي من شقا الزيف يسلم = ماجره التيارمعه و غدابه
ينصح لايهزا بغيره و يشتم = ولياعصاه الوقت يحسب حسابه
يبعدعن الفتنه ويسلم من الذم = لاهووشا باحدً ولاحدً وشابه
وعلى رسول الله اصلي واسلم = عد النجوم وعد وبل السحابه