كثير أشياء تضيع قيمة الرجال بين النـاس
ليا منه تبعهـا ضيـع لدنيـاه مـع دينـه
بدايتها ليا منه نسي ربه وركـب الـرأس
يبي هذا يبي هذا ولـو مـا تملـك يدينـه
يجالس من يصادف ما تخير طيب الجلاس
ولا يقنع بما عنده وزينـه خالـط لشينـه
وثالثها ليا منه تصادق مع نديـم الكـأس
ليا وصل لهـذا حـول يالله بينـي وبينـه
دروب تضيع المعقول تالها نـدم وإفـلاس
ليا حـده زمانـه مالقـا لإنسـان بيعينـه
ورابعها ليا منـك وثقـت بذمـة البـلاس
سواة اللي يشيل الماء ومخرومة مواعينـه
ليعلم انه انسان وأكرمه الله بالعقل وهو بدونه حين يتبع شهواته ورغباته اشبه (بقطيع من الخِراف ) اكرمكم الله
الأستاذ بن هليل / أبيات تقطر حكمة
تبارك الشِعر والمداد