السلام عليكم ورحمة الله وبركاته
اقدم لكم هذه القصيده و اتمى بان تنال اعجابكم
مريت أباخذلي شريحه وجوال = والمشكله من دون باب الشريحه
حاولت ياطارق على يمين وشمال = وثر النفوس من المحبه جريحه
وقالت أنا طالبك تعطيني اريال = وأعطيتها كنت أحسبنها صحيحه
روحت ماكانت ياطارق على البال = لونها بنت(ن)طويله مليحه
ومع رجعتي قامت تحركلي الشال = وتكلمت لاكن ماهي فصيحه
فهمت منها كلمت دروبك أطوال = قلت الله الله وأنتي المستريحه
قالت على نيتك ياطيب الفال = أعطيك سر وسرنا لاتبيحه
قمت أرتعش حتى عقالي علي مال = وضاقت علي الواسعه والفسيحه
وقلتلها يابنت روفي على الحال = يابنت يامترديه يانطيحه
طبعي يابنت الناس دله وفنجال = وكف رجلي عن دروب الفضيحه
ولي مع أهل الطيب موقع ومنزال = ونفسي على الهمات دايم صريحه
أخوكم الشاعر/ سعد سنان الثبيتي