كل عام وأنتم بخير
حبيت أعيد عليكم كلكم وأطرح بين أيديكم هالابيات المتواضعة
يارب تحوز على الرضا والقبول
تذكر زمانٍ فات يوم الهوى تو=في عنفوانه والمشاعر وقايد
كل شيء في عينك من الشوق يحلو=ومن الفرح دمعك يبل الوسايد
أيام تشكي داخلك ياغلا ضو=من حرها عوج الصخايف خمايد
وشغيرك وشبدل الجو بالجو=بعد المواصل صرت بالوصل نايد
بعد صفيت وصرت بالقرب محلو=صار السهل في عينك اليوم كايد
حتى كلامك صار من ليت في لو=جفاك زاد وصفو الأشواق بايد
خلاص مقفي مثل ما يقفي النو=ماعاد نسمع لك حساس ورعايد
لا تحسبنك يوم صديت بتلو=آيات ربي لأجل يكشف شدايد
عسى طريقك سهل ماعندي غلو=ماعاد يفرق قرب منك وبعايد