أعضاء القوافل وزوارها الكرام
يطيب لي أن أهديكم هذه الأبيات المتواضعه
يارب تعجبكم والعذر والسموحة لو فيه قصور
ياليل هات أخبار عن نازح الدار=طول غيابه والمسافات دونه
ليته يطمني بما صار ما صار=وش مشغله وشلون حاله ولونه
له مدةٍ(ن)ماعاد يرسل لي أخبار=مدري جفا والا عسى الله بعونه
ما يدري إني أنشد الطير لن طار=وأوصي الأرياح يمكن يجونه
أدور حوله مثل دورات الأقمار=له جاذبيه والسحر في عيونه
كل العجايب فيه شكله والأفكار=عسى كثير من البشر يفتدونه
مثل البحر مليان لؤلؤ ومحار=الناس تدري به ولا ياصلونه
من يوم غاب البال مشغول محتار=والقلب من لهفه تزايد جنونه
أحس في صدري مثل واقد النار=حتى الشعر بكًيت صافي لحونه
الدمع من عيني مثل وبل الأمطار=مرٍ(ن)غزير ومر ريض غشونه
ودي بشوفه وأسمعه ويش الأعذار=اللي بسببها للمواصل حدونه
وإن حال حظي وأبعده حال وأسفار=ياحظ منهم كل ليله يرونه
ببكي على فرقاه ما بقيت أعمار=وأضم طيفه لين ترجع ظعونه
ياليل ود أخبارنا نازح الدار=متى يجينا والمسافات دونه