تخاريف من شط الخبر بالمنطقة الشرقية
5/12/1432
الأبيات علها تروق لكم
يابحر كانك تسمع اللي يكلمك=وش داخلك يابحر في جوف الأعماق
يابحر علمني بسرك واعلمك=بسرٍ(ن)حبسته داخلي كيف ينطاق
لي صاحبٍ(ن)اهواه ياعل معدمك=اشتاق له والشوق للقلب حراق
وش حيلتي يابحر ربي يسلمك=في داخلي أمواج من لهف وأشواق
يابحر أنا راضيك حاكم محكمك=الصبر قل وخاطري يابحر ضاق
يابحر كان تحس اسمع وأفهمك=الحب لقلوب المحبين سراق
لو تعشقه يابحر حبه يحطمك=يجف ماك من الهوى قبل الإشراق
تصير مثلي يابحر في تظلمك=تشكي بعاده والقهر صد وفراق
يابحر صوت الموج بين تألمك=مدري مواجع فيك والا بي إشفاق
لكن يقين إن القدر بعد حاكمك=أنته وأنا تدبيرنا بأمر خلاق
تغانمي ما فاد شابه تغانمك=الله مقسم للمخاليق الأرزاق
يابحر كانك تسمع اللي يكلمك=وش داخلك يابحر في جوف الأعماق