أسعد الله أوقاتكم
اليكم الأبيات علها تروق لكم
قالت:وعد قلت:الوعد صار ميثاق=بيني وبينك والمشاعر شواهد
قالت:نعم قلت:اسكني جوف الأعماق=بعد الوعد ما يسكن القلب واحد
يهناك قلبي والمحاجر والأحداق=والك الوفا ما كون في يوم جاحد
أنتي غلاي عمري ومنبع للأشواق=يا جنة أحلامي ونار ومواقد
مهما يكون البعد متعب وحراق=أغليك ثم أغليك وأصدق وأعاهد
بصبر وأصبر قلب مغليك مشتاق=لو داخله من لهفة الشوق راعد
وأتبع جنون الفكر والقلب ماذاق=طعم الهنا دامه لشوفتك فاقد
أنا وطيفك نقضي الليل بعناق=الليل كله جنب صورتك قاعد
حتي يشق الفجر ويبان الإشراق=لشمس النهار ولهفة الشوق لاهد
كبدي وقلبي كن بالقلب دقاق=واللهف الك في داخل الروح ساجد
وفيت لك بالوعد ماني ببواق=والله على ما قلت:مرقب وشاهد
ما قلت هذا حمل ماهو بينطاق=يا منبع الإلهام رغم التباعد
كتبت فيك الشعر ما قلت ما لاق=من دم قلبي نار ماهو ببارد
قالت: وعد وأقول:ياعذب الأرياق=تمم وعودك والمشاعر شواهد