يا صعب النوم ليا تعدا وقته
لكن عاد سهرت الليله وجبت لكم هالأبيات
علها تروق لكم او للبعض منكم
في سنين العمر لحظاتٍ(ن)تساو العمر كله=وباقي سنين العمر ياليتها ما كان كانت
أجمل اللحظات مع خلٍ(ن)تمنيته وأجله=ليا تعانق حسي بحسه خفايا الروح بانت
لو تواصل ليلي بيومي وجوده ما بمله=أرمي الدنيا وراي وصعبها بلقاه هانت
المشاعر في وجوده كلهن يطلبن دله=والمسامع تطرب لنبرات صوته لا تغانت
كل كلمة كل ضحكة بثغره الفتان بله=شهده المعسول من ريقٍ(ن)له الأطراف دانت
كن قلبي من غلاه الشوق من جوفي يتله=كل دقه بالخفوق تضمها من لهف عانت
ينمسح من فكري الماضي دقاقه قبل جله=أسرح بدنيا جديدة في وجود الولف زانت
إن طلبني قول أحبك قلت:لا لا والف لله=عشقي أكبر من جنوني فيك واللحظات حانت
نروي كبود سقمها الوجد والمقصد تدله=مقبل الأيام خائف لو نثق فيهن خانت
يا منى روحي وعمري كافي جراح ومذله=ما تحمل نرجع لماضي ليالٍ(ن)قبل شانت
في سنين العمر لحظاتٍ(ن)تساو العمر كله=وباقي سنين العمر ياليتها ما كان كانت