ياللي تجر طروق ومناحر النود=ما ضاع لك عندي كثير وقليلي
فتح عيونك صاحبك بأول الذود=في عالي القمة يخيل المخيلي
العلم بين ما يبا قدح وشهود=للي يعرفون السنع والدليلي
يا صاحبي عثمان منته بمحدود=تترك كثير ولا تضوي حصيلي
أنته وكيل لصاحبك مذخر العود=والا متعرض للحذف يا عميلي
مثل جهنم تمتلي وتطلب الزود=ما تشكر الله في عطاه الجزيلي
قربت يا عثمان للنار بارود=وثار الملح في وجه راع الجميلي
مدري غلط والا مرتب ومقصود=لكن ثارت بندقك يا الاصيلي
ولو كنت أنا برميك حطيت عبرود=وركبت نيشاني بصدغ الوكيلي
سويت بك سواة حاشد بالأخدود=مالك عفو يكود لن قلت ويلي
قال المثل يا شينها قعة العود=من بعدها ليا شفتني تنحتي لي