الجادل اللي من سبايب حبها قلبي صويب= الظاهر اني من ضحاياها ولو طال المدا
تامر وانا حاضر وانفذ للاوامر واستجيب= كل ما تزيد الجرح فوق الجرح قلت الها فدا
ان غابت انظرفرصة القاها على جمر اللهيب= تثقل عقارب ساعتي قبل حلول الموعدا
اجمع احلا ماكتبت الها من الشعر الرهيب= الشعر اعبر به عن اللي في ضميري مابدا
وان شفتها ضيعت ماجمعت والشي الغريب= اجيب عجزالقافيه بالبيت قبل المبتدا
من زينها لا جيت اسولف بالكلام اخطي واصيب= الزين يربش والهواوي كيف دمه يبردا
طعم العسل من ثغرها ممزوج بالتمر الرطيب= ارق وانعم ملمس الخدين من ورد الهدا
لا جيت اعذل القلب عيا والهوا حض ونصيب= والقصد والغايه يجي من دونها شي يحدا
الدرب ماهي بامنه والماء تحت عين الرقيب= واللي طناه الشوم يتعب قبل يلقا موردا
والعد مهما كان محد يجوز عن ماه العذيب = والضامي اذا سمع بالماء شمر الثوب وعدا
الاحق خطايه مع المشوار واقف مصتصيب= اقول انا على القدا والا على غير القدا
تدفعني اشواقي لشوفة ربت الحسن العجيب =ارمي بروحي ماحسبت حساب لسهوم العدا
كل المتاعب ماتساوي شي لعيون الحبيب= واذا اجتهدت لشوفته ماراحت جهودي سدا
الجادل اللي من سبايب حبها قلبي صويب= تبقا ويبقا حبها بالقلب لو طال المدا