رجاوي ضايعه بين الظنـون , وخيبـة الآمـال
صداها يلتحف صوتـي , ومنهـا ياكبـر عيبـي
تعبت أقول لحظه محرجـه, وش تاليـة لهمـال
تعبت أقول وينك , في هجير الوقـت يـا طيبـي
تركتك وين , فقدتك وين , جمله والدموع أجـدال
أنا ما هنت بك ليه أنت , للتلويـع تسخـي بـي
هنا الحرمان كله له , وضحكه من عليه إظـلال
وهنا صفحة ندم تحوي , على جرحـي وتأنيبـي
أنا كفي علـى كفـك , لأبعـد حـد مـا ينطـال
أبي دفعه أمل مـا يفتـرض كسـري وتخريبـي
رجيتك وش بقى , غير الدموع وباقـي الأطـلال
دخيلك لا تخلـي جـارف التيـار , يهـوي بـي
أجي لك زاهدة همـي , أدور فيـك راحـة بـال
عسى غلطة زماني , مـا تغيـر فـي أساليبـي
انا في موقفي جنبك , وأنا بين النجـوم أختـال
ورا حلمن تبعتـه ليـن , كمـل فـي عذاريبـي
حضني في جمود الثلج , وسمعني وعـود وقـال
وجربنـي كـذا مـره , وكنـه يختبـر طيبـي
جمعني في الخيال أحلام , ومع ريح الجنوب ومال
وخلاني مع الأيـام , تاخـذ بـي وتعطـي بـي
للشاعرة الإماراتيه / قمرة