للشاعر/ جمال الشمري
هِنا نفس الحزن...وهناك نفس الكرسي المهجور!
-هذاك الريح...أزجانا حنين....وصب مالحنا
طلبنا شاي...وعرينا الكلام..و ذاب فينا زور
-سكتنا... و السكوت العذب..يشرب من ملامحنا
تسترنا بــ سوالفنا...أو انه ....سولف المستور!
-تحيّرنا....و غطينا الدقايق..قبل تفضحنا
تلعثمنا بـــ صباحٍ مر بين الغصن ..و العصفور
-نخاف.. يفتِش أوراق العنب.. صدفة.. و يلمحنا!
ولو ندري ..بأن الحب صحرا ..و المسافة سور
-دفنّا كل لحظة انتظار.... و لا تصارحنا!
حبيبي في صخب هذا البلد...فيني بلد مهجور
- من أول.. يوم اخترنا .. متى ارتحنا ..ولا ارتحنا!
تغربّنا.. أنا و هذا الحزين ..الكادح ..المكسور
-ندّور.. اندّور بـــ ضيق المحاني... ما يفرحنا
تعبنا.. نسقي الدمع الأماني ..و الأماني بور
-متى تثمر عناقيد الثواني.. شوق... يصدحنا؟!
وإذا اخضر الغصن.. في غفلة الفرقا..لقاء وطيور
-أحس اني كأني صرت غيري... لاتصارحنا
هنا خلا...بقايا شرهتين.. وخاطرٍ..مكسور
-ياليت إنـــا تشربنــا ملامحنــا ...ولا بحنا