السلام ورحمة الله وبركاته
للتواصل بعد الفاصل
اليكم الأبيات بدون مقدمات
يكفيني إني صرت للزين معشوق=كلمة أحبك منه تسوى حياتي
سكن بكلي دم وأعصاب وعروق=ويبقا بذاتي لين ساعة مماتي
ما عاد بعده قلبي يحب مخلوق=حوت جميع الحسن بالغانياتي
فتنة على ما قيل والعنق منتوق=غير الشعر والصدر والنابياتي
عذب اللما والسحر بلسان ونطوق=ينسي تقي الدين بعض الصلاتي
ضامر حشا والعود بالطول ممشوق=لو شافها صب الهوى ما يباتي
غير الأدب والظرف والغنج والذوق=وعيون حور(ن)كنها ناعساتي
من ودها ياهل الهوى صرت محروق=ضيعت رشدي والعقل وحسناتي
أسج فكري وأنظم لحون وطروق=أعول عويل الذيب بالشاهقاتي
أطرد طيوفه والعطش يبس حلوق=بصهوة حلومٍ(ن)بالفكر سابحاتي
طرد العنا ما كل مطرود ملحوق=ما جبت فيد ولا تحقق مناتي
مدري متى برتاح والخاطر يروق=أسقي عروقٍ(ن)بالمنى يابساتي
وإن كان مالله حقق الحلم برفوق=بكتم جروحي بدون ودي وهاتي
ويكفيني إني صرت للزين معشوق=كلمة أحبك منه تسوى حياتي