السلام عليكم ورحمة الله وبركاته
اطرح بين ايديكم هذه القصيده وأتمنى بأن تنآل استحسانكم
القلب مشغول والافكار مشغوله = والعين سهرانة(ن) والروح محزونه
الجسم نحلان والاطراف مشلوله = من يوم ماغاب عني هاطل مزونه
ظهر الجمل ينكسر لا زادت حموله = والبعد حاجب شعاع البدر مع لونه
ورود الاجفان من فرقاه مذبوله = والقلب الاخضر كذالك ماتت اغصونه
الليل عقبه ظلامه مرخي اسدوله = والنفس صارت مخنوقه ومشحونه
النوم حارب عيوني والسبب زوله = زوله تركني وزولي فارق عيونه
لو اللقا من فوادي يطلب اعموله = قدمت عيني عشان اناظر جفونه
المشكله إنه بعيد ولاني بحوله = البعد حطم خفوقي ضيع لحونه
متى الزمن يعتدل ويعدل ميوله = ماني بقادر اعيش العمر من دونه
ياويل من يلتبس ثوب(ن) ماهو طوله = عز الله إن السعد ما لاح في كونه
بيت الحزن مظلم وتزعج ترى طبوله = متى هبوب الهنا اتهدم ركونه
يالله توبه يارب العرش مقبوله = رحماك ياخالق الانسان وشجونه