العين تعشق عيونك وانت تعشقها ***** ما غير أمني عيوني بشوفة عيونك
بعدك مسافات والعشقه تقربها ***** تقرب البعد يدخل داخل حدودك
يا منبع الحب يا مصدر منابعها ***** اسقيتني منبعك يا حلو مضمونك
منبعك حالي على روحي ويرويها ***** يروي ضماها وأنا بالحب مفتونك
سحرتني بالعيون السود لبيها ***** لبى عيونك ولبى الرمش وجفونك
سحرت روحي وكيف الروح تعصيها ***** سحرت روحي وصرت اليوم مجنونك
سحرك على الروح بلسم هو مداويها ***** يشيل قلبي يحط القلب بكفوفك
القلب وسط الكفوف البيض ساكنها ***** وأنته بيدك تصيب القلب بسهومك
تزيد شوقه وجروحه تداويها ***** داو الجروح العطيبه بضمة أحضانك
أنت حبيبي ملكت الروح وما فيها ***** وما في عيونك يسولف لي عن أحوالك