مساكم الله بكل خير
و
صبحكم الله بمثله
جن علي الليل فجاش الخاطر بهذه الأبيات
علها تروق للبعض منكم والعذر والسموحة
الحظ شاين والمودة غرابيل=والجرح ينزف والدوا ما لقيناه
شحت عليه بالغياب المراسيل=والوجد يحرق داني الصدر وأقصاه
غدا نهاري ليل وأعاني الويل=بعد غياب اللي عيوني تمناه
ما عاد يهناني جميل التعاليل=كل ما نطقت بكلمةٍ(ن)قلت ويلاه
ويلاه من عشقٍ(ن)بليا محاصيل=مركي على قلبي وفكري توطاه
أون ودموعي تسابق كما السيل=من حرقة بالجوف يا قلب عزاه
اليا ذكرت اللي دموعه هماليل=ما صابني من لوعة الوجد هو جاه
تضيق بي دنياي بلحيل بلحيل=يزيد جرحي جرح ما ودي أرزاه
ما ودي بسيدي يعاني بهاذيل=أخاف لا توجعه كلمة ولو آه
ودي بقربه مير ما ينفع القيل=حال النصيب الشين من دون لقياه
الحظ شاين والمودة غرابيل=والجرح ينزف والدوا ما لقيناه