ياهيه ياللـي رض روض الحشـا رض=رض البرد روض الزهـر ليـن هلّـه
ياللـي بوجـه يشبـه الصبـح عّـرض=\لاتسفـك الــدم الـحـرام وتحـلـه
قلبـي مـن امـواج المحبـه تنـقـض=سـواة شاطـي تلّـه الـمـوج تـلّـه
ويشبـه كسيـر جنـاح ياقـع وينهـض=مـن رعـب قناصينـه يخـاف ظـلّـه
لا فض ثغر ( ن ) ضحكته زهر لا فض=باقـة ورود وبينـهـا شـفـت فـلّـه
من نافـذة بيتـك مـلا نـورك الارض=لا تكسفيـن الشمـس خافـي مـن الله
اشرق بك الوجدان بالطـول والعـرض=أنتـي ربيـع القلـب شمسـه وظـلّـه
فرضتي اسلوبك علـى دنيتـي فـرض=جـوك غـرامـك عالـمـك ماأمـلّـه
القلب يمشـي فـي غرامـك مغمـض=ماغـيـر أحــلام الـمـودة تـدلّـه
بالطيـب متسـلـح وبالـعـز مكـتـظ=يهـوى السمـو ولايطـيـق المـذلّـة
لكـن انـا دايــم يعانـدنـي الـحـظ=أخشـى غـرام يـزود الطيـن بـلّـه
واخشى من اطيافك على العيـن تنقـض=ويطيـر عـذب النـوم دقـه وجـلّـه
للشاعر:هـــــــــلال العتيبي