هذه الأبيات رد على قصيدة الأصهب
الواردة علة هذا الرابط
http://www.alqwafel.com/vb/showthread.php?t=14424
مرحبا بك بالبداية والأخير=من يحب الطيب لا يتبع ردا
الخلائق بعضها وده يطير=والبعض لو قلت له اركد عدا
الحجر ما هو كما سلك الحرير=ما يسيل السيل من قطرة ندا
ما يروح العبد عن يوم المصير=كم علم راح بالدنيا سدا
من تعرض للكبير مع الصغير=يا طويل العمر في دربه غدا
لا تكبر سالفة وأنته خبير=الصقر ما ينزعج من هدهدا
خل علمك يا صحيبي بالضمير=كل نار(ن)بعد شبة تبردا
الفرزدق شاعر(ن)مثل جرير=والنجوم سهيل غير الفرقدا
عاين بدربك ولا تتبع ضرير=كان تعرف للعلوم و للقدا
صون عشقك لا تبيح به لغير=لا يعرف السر شايب وأمردا
مير بعض الخلق لو شيب غرير=والقرادة ما تكب الأقردا
يا طويل العمر كانك فيك خير=لا تعرض نو يمطر ببردا
السحائب بعضها ماهو مطير=لو برق برقه وخيل وأرعد
أخذ علمي كان ودك بالشوير=يومك أبيض لا يعود أسودا