السلام عليكم ورحمة الله وبركاته
أسعد الله أوقاتكم بالخير والمسرات
الأبيات بدون مقدمات
تبالحقيقه إيه بلحيل مغرور=لكن غروري مختلف عن غرورك
أنا غروري من شهامة وماجور=وأنته غرورك كاسبه من عطورك
أنا مثل شاهين ما بين الأصقور=وأنته بمانه وش فصيلة طيورك
أنا كبر عمر الزمن طول الإدهور=وأنته سواة الثانية هي دهورك
أنا المحيط ولا تقارن بالإبحور=ما تهزني موجة تجي من بحورك
أنا سواة البدر لا شعشع النور=وأنته مثل شمعة ولو زاد نورك
وأنا شموخي مثل ضلع(ن)على البور=وأنته سواة القاع يا بعد غورك
أنا الذي أمر ولاني بمأمور=في غيبتك وأمر بعد في حضورك
وأنته عليك تقول حاضر ومشكور=تبدي رضاك وتنبلج من سرورك
عرفت ليش أني من الناس مشهور=ياللي تباها لأجل ريحة بخورك
لكن ما لومك على الفعل معذور=عسى الفرح في كل يوم(ن)يزورك
عيش الحياة وخل ما همك يغور=أخذ على ما قيل بالوقت دورك
دور عمل ينفعك صالح ومبرور=ينفعك عند الله ساعة نشورك
لو قلت لك مغرور ماني بمغرور=كل الهدف أعرف بردة شعورك