بسم الله الرحمن الرحيم
الأبيات
علها تروق للبعض منكم
غلطة زمن والا على القول صدفه=ساعة تقابلنا على غير ميعاد
باللحظة اللي طاح طرفي بطرفه=حسيت قلبي للهوى جاه منقاد
هي نظرة من عين بسمة و وقفه=منها تألفنا بعد غربة أبعاد
وباللحظة اللي مد بالطيب كفه=تجاذبت أرواحنا والغلا زاد
أثر الغرام اللي دعا القلب لفه=يحس ما حسه مثل جمر وقاد
شفي وأنا بالود وده وشفه=منوة حياتي كلها غاية مراد
حلمي قبل لا يصير فينا معرفه=واليوم صار أغلى من الروح والزاد
ليا غاب عني صابني شبه خفه=أمضى شكيل الوقت في هم وسهاد
يصيبني بالقلب ضيقة ورجفه=وأنشد طيوفه وينه الزين ما عاد
وليا حضر ودي بكفي أزفه=أهلا هلا حييت يا سيد الأسياد
يرتاح بالي معه لو كان حتفه=على يدينه فدوة لغض الأنهاد
هبة زمن ماهي على القول صدفه=ساعة تقابلنا على غير ميعاد