السلام عليكم ورحمة الله وبركاته
مساكم الله بكل خير
القلوب الخضر ما تيبس زهورها خص ليا كانت على نهر صافي
واليكم الأبيات علها تروق لكم
ياشين فرقا من تودين ياعين=خص(ن)ليا كانت لمدة طويله
ياعين فرق بيننا نازح البين=ياويل قلبي من غيابه يا ويله
والمشكله لاصار منهو تودين=يبادلك أنبل مشاعر جميله
ماكنت أظني ببتعد عنه يومين=ساعات ما شوفه عليه ثقيله
مقوى غيابه شهر وشلون عامين=هذي على روحي مصيبة جليله
غيبة شهر أشوفها مثل قرنين=من لا يحس يقول:مدة قليله
بعد غيابه صرت مثل المجانين=الفكر تايه والمشاعر عليله
طول غيابه والبعد ياعرب شين=ياشين فرقا للخليل وخليله
أثقل على الأنفس من الهم والدين=وأشد من ضرب السيوف الصقيله
أثر القسا لا حل في مطرح اللين=أحر من جمر(ن)بنار مهيله
اليوم أنا ويني وهو صاير(ن)وين=كل واحد(ن)منا لهمه يشيله
هذا حياة الروح بأول وبعدين=بكل البشر ماني بلاقي مثيله
ردوا علي مكحل العين بالزين=خلوني أهنا بشوفته لو ليله