الله من الي لها يومين بين الضلوع=مطبقات الضلوع الي يقولونها
اسهر مع الهم والغفوة على راس كوع=وون ونة ولاابغى الناس يوحونها
ماكني الا الغرير الي يزف الدموع=دموع عين(ن) وباح اليوم مكنونها
بعض الصداقه عمر والا بعضها اسبوع=وتروح لامن وراء الهقوة ولادونها
ياجهاز وصل كلامي للرفيق القطوع=اضغط على اوكيه وارسلها بمضمونها
قله ياعبدالله الدنيا تراها تروع=لاتغرك الضحكه الي بانت سنونها
ماتلتفت للابن ادم غير في وقت جوع=وتذوقه سمها الي جـوف ماعونهـا
والي يعرف الدروب الاوله مايتوع=لو العيون البصيره ينطمس نونها