النجم=
دقيت باب العرف وإنفـك بابـه=سلام والترحيب ينصا المعازيـب
ياأهل الشعر بالله سـووا نقابـه=النا على الجمهور بعض المطاليب
سعد
من دق باب المعرفه مرحبابـه=حييت بالمنطق وحسن الاساليب
حنا رجانا فـي ممثـل عتابـه=حلال فتال الامور المصاعيـب
النجم=
اللي يشيل السم داخل جرابـه=لا تأمنه لو كان يبدي لك الطيب
,,اللي يخالف للنبي والصحابـه=ما حقه الا نرضخه بالمشاعيب
سعد=
ولد الردى تعجبك سكبة ثيابه=لكن ما فقد ولا يعرف العيـب
لكن بعض النـاس ماينغزابـه=يفضحك مابين الملا والاجانيب
النجم=
ياذيب لا تصاحب يكود الذيابه=احذر تخاوي مصدقين الأكاذيب
الديك يذن لو عـلاه الجنابـه=قاله بديوي والليالي تجاريـب
سعد=
هذا كلام الصدق مابه غرابـه=وحنا توكلنا على عالم الغيـب
البوم وكره في بيوت الخرابـه=والصقر عانه في علو المراقيب
النجم=
ترى الحنش سمه على راس نابـه=احذر من ام جنيب تمشي على جنيب
خـل الشـواوي ينشغـل بالربابـه=اشرب رهـا لا تنشغـل بالغثاريـب
سعد=
دواه عندي بالقدم ينوطا بـه=والحيه اللي ملبده داخل السيب
بيني وبينك لاتطول الحرابـه=انا سعد معروف ومورد الهيب
النجم=
المتهم مطلوب عند النيابـه=تبا تدقق بصمته والمكاتيـب
وليا ثبت جرمه تقرر عذابـه=اما سجن والا غرامة وتغريب
سعد=
عسى سوالي يلتقي له اجابـه=تكفى ياكبتن لي علاكم مواجيب
من طاوله سقمه غدابه غدابه=لكن برهنها عن الشك والريب
النجم=
ليا شبت النيران بين القرابـه=هذي تراها من كبار العذاريـب
ومن لا يحسب للنقد والمهابه=ما ينفعه يا صاح فتل الأشانيب
سعد=
دام الدوى موجـود عنـد الطبابـه =يبري عطيب الجرح لو جرحه صعيب
الله يكافيـنـا شــرور الـزلابـه=اللي يود ي العلم يالشيـخ ويجيـب
النجم=
ذيب السرا في كل ريع عـوا بـه= من حرقة جوفه يجـر الأقانيـب
اللي سرح به ياعرب ما ضوى به= مثل البعير اللي تعتبـه تعتيـب