يامرحبا من عتيبه يابراهيم=فالمنتدى مرحبابك من عتيبه
ياجارنا اللي علاك نشدونقيم=دمث الجناب الكريم اللي ياطيبه

دام البقا بك وانا شاعر من سليم= عن عزوتي قلتها ماهي غريبه
شمسك علاها عسام وفوقها غيم= وان كان بقيت ترى هذي مصيبه

ياشاعرسليم صاحلك مانيب نيم=سليم دايم تسد لكل غيبه
واسمحلي اقول بيتك دمه الديم=واسمحلي اقولك ماهيب غريبه

مدك ضعيف وضيقت المعازيم= سليم حطت على راسك نصيبه
الله على المنتزه في روضة خريم= يقلون فيها تعاجيب وعجيبه

للشعر قيمه وللشعّارتقييم=الله يسلمك ياسليم الحبيبه
ياحالم بنجد حلم ابليس بالجيم=خلك مع اخوك في راس الزريبه

نارد عدود الروى والا انته محيم= من هيبة سليم ماذقتو شريبه
نعرف ديار الشواوي راعي الهيم= قصير الباع مارد الذهيبه

الوقت حسبّه مواخيرومقاديم=احدٍ بهيبه واحد من دون هيبه
ان كان ريمه تسابق جافل الريم=حطيت وثري وبّعّدتّ النجيبه

طيرت عقلك ولخبطت المفاهيم= اركد على الهون ياكافي حليبه
تبعد الوثر من فعل الصواريم= ازبن لواديك والصق في شعيبه

يافازعاً مادريبه فزعة الضيم=مني تكفيك فازع مادريبه
ياخّشّرة الحوض ابعطيكم ليا الكيم=ياخّشّرة الحوض صرتولي ضريبه

ماشفت فعلك نهار الجو تعتيم= السيف سوى على راسك صليبه
ترى الظليمه عواقبها تواخيم= سليم تكرم هل الاريا الصعيبه

الظاهرانك تبالك كاس تكريم=حتى يقولون لك حظه نصيبه
حلّتْ الصفا ما حلّتْ بمسدس وهيم=وش ينحلّتْ به بعد طول المغيبه

ماانته بريس ولاانته حسبت زعيم= لبنك وشبك تجينابه غبيبه
شفت البعير الهيم مربوط فالسيم= والذيب فوق الجبل توحي قنيبه

ياعالم العولمه بدعه وترهيم=ياعيبة العيب وش داخلك خيبه
مرممينك نهار العيد ترميم=هريانة سليم صايرتن دبيّبه

ياوجد حالي على الليمون والليم= ان جا رضا مانبا ياتي غصيبه
في سد وجهي عليه باالملازيم= هذا الولد جاه شي(ن) في ذنيبه

انته يابورقم ماتحتاج ترقيم=يالصاحب اللي مقصر مع صحيبه
امتيّمه مار ابعطيها ورى التيم=ان جيتني ضيف ضيفتك زبيبه