بسم الله الرحمن الرحيم
السلام عليكم ورحمة الله وبركاته
مثل ما عودناكم الأبيات بدون مقدمات
على دقات عقرب ساعتي أمضيت كل الليل=أراقب طلعة الصبح البعيد ولا ظهر نوره
بعد ما نامت عيون العرب يا حيل شد الحيل=بلج الصوت بالقيفان مسموعة ومغموره
الا يا حيل الا يا ويل ليلي بين عدل وميل=أتبع لي هجوسن كامنه بالصدر مستوره
تسوق الفكر شام وتستعيده يم نجم سهيل=ونفسي من طبيعتها على ما قيل مغروره
طرا لي طاري(ن)ولين ليلي والظلام مهيل=ومقناصي بعيد وطرقتي ماهي بميسوره
حداني وقتي المقرود والتجديد والتبديل=جوازي منتهي والحجز قافيني بباكوره
وأنا عجل(ن)همام ليا نويت العلم راح القيل=لو إني طير عانقت السما والجو وطيوره
الا ليت الزمان يعود وأشري من سباق الخيل=جموح(ن)تعجب الفارس ليا دق الهوى زيره
لكن الوقت قام يشين فوقي يا عرب بلحيل=وأنا نفسي شفية ودي أقنص كل معموره
بناظر للمشاهد كلها والقطع والتوصيل=وبرسم لي على وجه الزمن صوره بلا صوره
أحب أشوف بعيوني وأقارن بين كيل وكيل=والوم اللي يعارضني وبعذر ناس معذوره
ما دامي من عزاة(ن)تلطم العائل وتذبح حيل=بسج الروح لين تروح منهيه وماموره
برجح كيل وأعدل ميل وأخرها على الترحيل=حيادة(ن)فانية مهما تزين تبدل الدوره
وبختمها بذكر الله مع التكبير والتهليل=أراقب طلعة الصبح البعيد ليا ظهر نوره