يا مرحبا رحب ما خصه ولا حده بالعزوه اللي قريب ونازح الديره=من هاجس(ن)يازن المعنى على كيفه وإن جالنا معتدي والله مانهابه
السيف بالكف وقت الحد بنحده للخصم والا على ربعي فلا ديره=واللي يقصر يترحيبه على كيفه وقت النهايب لك الله يغدي نهابه

دام البقا يا وفي(ن) يوفي المده بالشاعر اللي على الهاجس نقر زيره = من فارس(ن) فالمواقف نومسه سيفه اللي بوقت الشدايد بان مضرابه
من دار سيفه على ربعه وجب مده لله مايجرع الما من برد زيره = وان هاج موج البحر ما احدن قرب سيفه واللاش لو هو ضري بالخبث مااضرى به

طال العمر والبحر ياصاحبي عده لا تقرب الموج وإحذر من محاذيره=يا شاعر(ن)بالبحر تغرف مغاريفه مثل الزلامي ليا لالى على حرابه
والتاجر اللي غلط في سلمه وعده كيف البصيره بعد قافي محا ذيره=طاح المطر يابدو منهو بغا ريفه زان الحيا والمطوع جوف محرابه

سبحت فالبحر وانا للبحر قده سباح ماهر ولا تفجع بوابيره=والحوت في غبته عندي مخاطيفه رجل جري فالمجابه مااحسب حسابه
ياراعي العلم لاجبت الخبر قده نعرف بني الحارث ووادي بوا بيره=والبرد ركب ودور له معاطيفه والادمي عند ربه ياجد حسابه

الرجل معروف من فكره ومن سده والسمن معروف لو يخلط على غيره=ومن خش في داخله ظنه على خيفه أقل شيء من الظنات يدرى به
لا تعترض سيل طافح من ورا سده لا تقرب ثعول نون جاتك مغيره=ومن حج وأمسى منى لا مر مع خيفه العج فوقه ترى محد(ن)بيدرا به