سـلام ردَّة وفـاء ..والعـذر للطيِّبيـن=نعلى الغياب المطوّل.. نطلب المعـذره!!
يالنشمي القوم صفَّوا من يسار ويميـن=أنته مع الميمنـه والاّ مـع الميسـره

يامرحبا والعـذر يقبـل مـن الغانميـن=وراع الوفاء نلتمسله عـذر ونقـدره!!
الحق ياحضرة الكبتـن مايرضـي ثنيـن=وانا تراني مع المضلوم ليـن انصـره!!

مانـي مديّـن عبـاد الله ولا مستديـن=من فضل ربي وجوده ..وأحمده وأشكره!!
هوى على روسكم نجم وغديتوا طحيـن=لا بالله الاّ جنايـز مالـهـا مقـبـره

لاوالله الامديّـن مـار ربــك يعـيـن=كسرت ساق الجمل وازريت لا تجبـره!!
سبة فعايلـك ياعبـاس راحـت جنيـن=والسر فاللقمه اللـي سـدة الحنجـره

انا معي سيفي اللّـي يـردع المعتديـن=والا أنت لا معك لاسيـفٍ ولا خنجـره!!
لو جيت معنا نبى نعطيك سمن وسميـن=مير أنت روّحت تتبـع جـرة الشنفـره

حزمتك بسيف اباك اتحـارب الطامعيـن=واقول كبتـن عتابـه فالقـا عنتـره!!
وسلمتهم سيفك ومحزمـك والمارتيـن=واتنوخ ابعيـر ربعـك للعـدا تنحـره

الناس ماغرّهـا الاّ بليـس اللعيـن=لكن أبا اقرى عليه الراجفه وأقهره!!
ولا يلحق الاولات الاّ طويل اليديـن=واللّي يدينه قصيره بالندم بشّـره

طاوعتو ابليس لين افرحتو الشامتين=حتى غديتو وصرتو للملا مصخـره!!
خيبت ظني وخليت العـرب فرقتيـن=وانا اعرف اللي يهدم الجدر مايعمره!!