يالله يامعبود غفار الذنوب=ياللي خلقت الكون كله من عدم
ياعالم الاسرار في وسط القلوب= سامع دبيب النمل في وسط الحزم
احفظ مليك العرب حلال الصعوب= مليكنا اللي بالسياسه محتزم
حلالها فتالها وقت الخطوب= صليب راس وسيف قصاص العظم
واحفظ ولي العهد واللي له ينوب= واخوانه الباقين عا لين الهمم
درع الجزيره سترها من كل صوب= اهل الصفا واهل الوفا واهل الكرم
الله من هم (ن) كما النار الشبوب= هجم على قلبي بعنف ولارحم
من يوم هبت فوقنا صلف الهبوب= جرت جرايرها مصائب مع ندم
من شرق هبت ثم هبت من جنوب= شالت شجاري الراك واشجار السلم
جريمة التكفيرمع وقت عصوب= حدت سكاكين الفجر فوق اللحم
استنكرتها واشجبت كل الشعوب= قضية درست وخطت بالقلم
من ناس تاهت في مسارات الدروب= لاوازع(ن) ديني ولافيهم عزم
عقولهم مطموسه وشوف محجوب= عصابة(ن) تسرح كما قطع الغنم
متستره بالدين والراس معصوب=اهل البدع والكفر مافيهم ذمم
افكار مسمومه وبالقلب العطوب= هدفهم التخريب في كل الامم
لهم خلايا وكرها وكر خروب=كلامهم سامج ولافيه الطعم
بعد افشلوا فالمدرسه كثر الرسوب= صاروا لظنوا ابليس حراس وخدم
متلبسين (ن) فالظلال بكم ثوب= هدفهم التظليل عبادة صنم
عصت ت ولي الامر عيت لاتتوب= تونس عرام(ن) صابها وسط الخشم
ارهاب قتل الابريا حظ نكوب= يازمرة الشيطان ياصم(ن) بكم
ياشايلين السم في وسط الجيوب= ياجاحدين النعمه اشباه النعم
الابريا راحت ضحيات الحروب= والارض رويت من سبايبكم بدم
الله نكبكم يالعينين الصلوب= معاهدتكم فاشله عند الحرم
اخزاكم الله وادفعوا كل الضروب= خزي بدنيا واخره نار الضرم
ياسرع ماحطت على القبر النصوب= تواجهون افعالكم جاكم خصم
ياشعبنا الغالين عكفان الشنوب= اقفوا لهم وقفه على ساق وقدم
خلوا ملاعين الثوى تركع غصوب= مابه حلا فالحنظله واحلف قسم
الما ولو خضوه والله مايروب= ماهو معود له لبن فيه الطعم
والهزله العجفا ماهي ديس حلوب= غلطان ياباغي من الهزله دسم
ويا ابن الوطن انته مقدر ومحسوب= على الوطن حذرا تنكس له علم
عطر سماه بأجمل انواع الطيوب= ماهو ببارود اليهود اهل الصنم
خلك على عز ومعزه ومهيوب= من هو فتح باب الذريعه ماسلم
والذيب ماياكل ذراعه والعصوب= لو صار له مده مايلقى له شحم
ويالله تديم الامن في شرق وجنوب= وغرب وشمال المملكه انت الحكم
امين قولوها من اعماق القلوب= يالسامعين اهل الديانه والقلم
التميز
الإهداءات
جريمة التكفير
