قالت علامك ياولد لازم الصمت=قلت إسمحي لي يالغلا منك مبهور
من فرحتي ياروح روحي تلعثمت=يرقص فؤادي داخلي رقص عصفور
ما كنني في يوم والله تكلمت=أخرستني مدري غدا الفكر مسحور
وأنا أحمد الله منك يا بنت ما مت=أحس ضغطي مرتفع دمه يفور
ضيعت كل أحلامي اللي تحلمت=كانت حساباتي غلط جمع وكسور
بعد الذي شفته ترى همت ثم همت=وأنا أعتقد بتقول بالحال معذور
أثر الجمال اللي من أول تعلمت=بالنسبة لصورتك يا عمري قشور
أذكرك في ممشاي قعدة ولن قمت=ماثل بفكري لو لحظات ماتغور
تطوف بالأعماق بالصحو وإن نمت=تدور بي وأنا مع الطيف بدور
نورك يشع بخافي لا تبسمت=والزين كله فيك يا ناعس الحور
أتيه بعيونك ليا كان سلهمت=وأضيع بين الرمش والخد وشعور
ملكت روحي وفي شعوري تحكمت=أنته لذاتي كلها مصدر النور
أسكن بعرش الروح بعد تسلمت=سوي الذي يرضيك وأقول مشكور
بعدك تراني كامل البيض حرمت=والله خسارة تفرح البيض بصدور
وختامها تفداك روحي أنا أقسمت=وأنا على ما قيل منهي ومأمور
التميز
الإهداءات
ناعس الحور...!!!!
رد: ناعس الحور...!!!!
