السلام عليكم ورحمة الله وبركاته
الجزية في هدية راع الصدق
بيض الله وجهه
هذه الأبيات على عجل
قبل مدخل الموقع قريت الفلق والناس=لقيت الهدية كن منهو معلمني
طروق بناها شاعر(ن)سالم الوسواس=هديته مقبولة على المذهب السني
أخذت القلم والداه وأدنيت للكراس=وهاضت هجوسي والفكر ما يخوني
ولا يا رفيقي بعد دنيت للمهراس=وسقت المثايل ردها جايكم مني
بعد ما ضربت أخماس يا صاحبي بسداس=لقيت العجب في قاف مليان متهني
وقرت أنطحه وأخذ على طارقه مرواس=وكل الفضل لله بالشعر مكني
أنا وأنت جمر النار لا هبه النسناس=حظيظ العرب من قال:ربي يسلمني
نحل العقد ونشب للنار بالأطعاس=احد يبذل بيمناه والأخر يدني
أنا واحد(ن)منكم وضرس(ن)من الأضراس=عضود الجسد في ماقفي ما بتخذلني
ولولا الصلابة الذيابه تبا تنداس=فعول الرجال يذود من مثلكم عني
علي أفتل الأمراس وأحل للأمراس=وربعي معي في كل لازم تكملني
ليا ثارت الأقباس تشفيك بالأقباس=عزاتي نهار الجد ما تخيب الظني
سهوم المنايا لا علت صهوة الأفراس=بعزة جلال الله اهي ما تخيبني
عزاتي نهار الجد ما تحبس الأنفاس=تكيد العدا وتجيب لي ما يطمني
ورجل(ن)بليا ربع في ماقفه ينحاس=ورجل بليا فكر ينشب وينشبني
ومن مد لك الكأس سقه بنفس الكاس=لا يغشى عيونك لون مصفر بالبني
تولم ودوك الصيد ياطيري القرناس=بدم الفرايس خل مخلبك متحني
وختم الجواب الزبد محصور بالأقواس=(عسى الله يحفظكم وأنا مايحرمني)
التميز
الإهداءات
هديته مقبولة على المذهب السني !!!
رد: هديتك مقبولة على المذهب السني !!!
