السلام عليكم ورحمة الله وبركاته
ذكر فإن الذكرى تنفع المؤمنين
وين المطوع ودي أقول له صل=أذن وقيم وصل وأسجد لربك
وجبت صلات الفرض ذا وقتها حل=ياللي تحب الله فالله حبك
كبر وسبح وإحذر الفرض يختل=لا تحمل ذنوب العرب فوق ذنبك
وليا سهيت اسجد لعله يكمل=يجبر لشيء(ن)ساهي(ن)عنه قلبك
صل الفروض الخمس قدام تعتل=لا ينشغل في غيرها يوم لبك
صل الرواتب والنوافل ولو قل=الخير عند الله بيزيد قربك
بادر بصوم الشهر ياشيخ لا هل=اقيم ليله والله الله حسبك
مهما يطول الليل يا شيخ لا تكل=عن المضاجع جاف يا شيخ جنبك
من الحمد رتل لين تاصل ليا قل=واقرأ تفاسير المنزل بكتبك
زك البدن والمال بالنقد والبل=وإن راودك بليس ترا لعب بك
أخرج حقوق الله والبعض من كل=لا يختلف عن نهج الإسلام دربك
وليا دعي للحج حذراك تكسل=احرم وسوق الهدي وارفع ملبك
إصحى تجادل نذل ويضرك النذل=يفسد عليك الحج وأقفا وكبك
خله يولي وأنت عن شيفته ول=إستغفر الله وادع بدعاك طبك
لو قال:لك ذليت قول:ايه وإرحل=إصبر على الجاهل ولو كان سبك
الذل كانك ودك تعرف بالذل=جار السفيه يصير بالحلق مشبك
قم يا مطوع قوم لا تكل وتمل=كمل فروض الدين ترضي لربك
التميز
الإهداءات
وين المطوع ودي أقول له صل !!!
رد: وين المطوع ودي أقول له صل !!!
