السلام عليكم ورحمة الله وبركاته
ردي على مجاراة راع الصدق
بيض الله وجهه
حي الجواب اللي حوى للتفاسير=
من عند راع الصدق من معدن خام=
يقول المطوع خل عنك الغنادير=
ما يدري إني بالحكم مثل صدام=
من بعد راح الناس صارت طوابير=
شوف العذارى اليوم وشلون تنضام=
لو المطوع ذاق در المغاتير=
كب التهجد تالي الليل ثم نام=
مير المطوع ملتهي بالتحاضير=
من كثر ما يكتب منشف للأقلام=
ما شاف زينات الدير بالتصاوير=
ولا شاف حلوات المناظر بالأفلام=
لو شافها ظلا يدق الزمامير=
ولا هو بعيد يظلي مقابل الكام=
مير المطوع ناشب(ن)في شمنصير=
عساه ينسف بالقنابل والألغام=
عسى يجيه من المقدر مقادير=
يصبح على بعضه زبارات وأكوام=
حتى المطوع يترك الضلع ويغير=
يظلي جوازه ممتلي كله أختام=
والا ترا بنرحله يم خرخير=
يعيش مع صيعر ورا بارق ويام=
أربع سنين وبعدها فيه تغيير=
لين المطوع يحفظ الدسك والرام=
ما عاد به يا شيخ بالدين تكفير=
الله بذنوب البشر بس علام=
التميز
الإهداءات
يقول المطوع خل عنك الغنادير !!!
رد: يقول المطوع خل عنك الغنادير !!!
