كاش من كاش !!!

كالعادة الأبيات بدون مقدمات

مافيه داعي تتعبيني على ماش=تعب بليا فائدة وش نبي به
من يشتري ببلاش بياع ببلاش=لكن خلينا من أول نسيبه
خلاص أنا قررت بنحاش بنحاش=شوفي بدالي واحد(ن)التوي به
ليش المجامل خلها كاش من كاش=كل واحد(ن)ياخذ بعمره نصيبه
لنته بنايشني ولنته بتناش=ظروفنا صارت علينا صعيبه
دام القلوب عطاش وكبودنا عطاش=مصيبة يا كبرها من مصيبه
الود لامنه دخل دور الإنعاش=يصعب دواه ولا يفيده طبيبه
محد(ن)خبر ميت بعد موتته عاش=مهو براجع فوق من يرتجي به
ما تنبت الأغصان من رشة رشاش=والجمر ما ينداس ساعة لهيبه
لكن خليها مثل طاش ماطاش=سوالف(ن)من غير شك(ن)وريبه
اللي سكن بالجاش خليه بالجاش=حلم(ن)نصدر به وحلم(ن)نجي به

صح لسانكـ . . وماشاءالله . .

كعادتك متميز في قصائدك التي لاتوصف . .

لافض فوك . .

مودتي لكـ

عاش من جاب الجزيلات عاش * الله يطول بعمره وكل طيب يجيبه

استاذنا ابن هليل

تقبل مني هذا البيت المتواضع انا لست بشاعر .

ما شاء الله تبارك الله قمه في الابداع

لك التحيه والتقدير

الحر يا صاحبي ما يلحقه بالنفس غباش ... مابين نون الحرف لك ما هي صعيبه










صح لسانكـ مدد لاعدد
وسلم نبضك
ولا عدمنا جديدك


قصيدة جزلة في معانيها

راقية في أسلوب طرحها

دمت بـ هذا الجمال وأكثر
لك ودي وتقديري

اقتباس : المشاركة الأصلية كتبت بواسطة الـسـيـف [ مشاهدة المشاركة ]

صح لسانكـ . . وماشاءالله . . كعادتك متميز في قصائدك التي لاتوصف . . لافض فوك . . مودتي لكـ

صح بدنك وبارك الله فيك



سعدت بوجودك


لك

تحيتي

اقتباس : المشاركة الأصلية كتبت بواسطة ابن عميش [ مشاهدة المشاركة ]

عاش من جاب الجزيلات عاش * الله يطول بعمره وكل طيب يجيبه استاذنا ابن هليل تقبل مني هذا البيت المتواضع انا لست بشاعر . ما شاء الله تبارك الله قمه في الابداع لك التحيه والتقدير

قـــــال المثل يفداك يالطيب اللاش.........راع الوفا والطيب محد(ن)يعيبه

لا هاش ولد عميش ماعاد ينهاش.........ما خاب منهو باللقا ينتخي به




سعدت بردك الطيب وتواجدك المستمر


بيض الله وجهك


لك


تحيتي

اقتباس : المشاركة الأصلية كتبت بواسطة همسات شاعرية [ مشاهدة المشاركة ]

الحر يا صاحبي ما يلحقه بالنفس غباش ... مابين نون الحرف لك ما هي صعيبه صح لسانكـ مدد لاعدد وسلم نبضك ولا عدمنا جديدك قصيدة جزلة في معانيها راقية في أسلوب طرحها دمت بـ هذا الجمال وأكثر لك ودي وتقديري

ترى الكلام الجزل مهو كما كراش........الجد غير الهزل والكذب خيبه

من جا لنا يلقى تراحيب وفراش.........ومن راح عنا ربنا هو حسيبه

حنا هل الطالات ذباحة أكبــاش..........وأهل الكرم من غيرنا ما نعيبه

همسات ردك كنه النور بفلاش...........ياعل غيرك للرقي يقدتي به




سعدت بهذا الرد الجميل الجزل العذب


سلمتي وسلم لنا حضورك المميز


تقبلي خالص


تحيتي

ابن هليل

قصيده رائعه وجميله

لك التحيه

البندري



شكرا لردك الطيب وحضورك المميز


دمت بخير


لك


تحيتي

صح لسانك بن هليل
دائما مبدع في قصائدك ولو اني ماعرفت
شنو معنى قصيدتك
اعاني من صعوبة الفاظ قصيدتك (*:^)