على الله توكلنا قوي العزم والباس = وشديت عزمي والولي مايهملني
وجبت الدواة وجبت حبري مع القرطاس= وسميت باللي خالق الانس والجني
وصخرت البيوت الهادفه من صليب الراس= وفكري يساعدني وشعري يأهلني
وحكمت معناها ورتبتها بقياس= وانا فاهم(ن) بالتجربه من صغر سني
ولبستها عقد الجواهر وعقد الماس= اباها هديه ياعساها تجملني
أباها لشيخ(ن) وارث الطيب والنوماس= من اجداده اللي طيبها الهيل وا لبني
كريم و حليم وفوق هذا جويد الساس= من شيوخنا اللي تعقل العلم وتثني
ولاهو من اللي يكنز المال فالاكياس= ولا هو من اللي يكثر الحن والمني
وذكر الحيا والطيب ياتي به العساس= ليا سار للديره وللخير متعني
ويااللي تبا تعرف يجيك الخبر لاباس= هذا شيخنا ابن هليل الشاعر الفني
هذا صادق النخوه هذا مرهف الاحساس= ليا صعبت الاريا يقل وخروا عني
مناخ الركايب لالفت ضمر(ن) وعماس= ليا من حداها لاهب القيظ والكني
عسى الله يعديه الحسودي مع البلاس= وتقبل تحيه يازميلٍ(ن) مزاملني