عساكم دائما بالف خير
كما عودناكم حتى مللناكم
هذه الأبيات
علها تروق لكم وتصل لقلوبكم
ويلاه من لهفة(ن)بالجوف تحرقني=على الذي حل في قلبي و وجداني
طيف الغلا وين ما وجهت يلحقني=ماثل لفكري وكنه قدم الأعياني
كن الغلا كل ما سكنت عانقني=وليا ندهته بصوتي صد موحاني
دايم بذا الحال في وقتي مرافقني=وليا تجزعت نبض القلب وصاني
لا تقطع الوصل مع خل(ن)مشوقني=هذا الذي لا بغيته يكبح جناني
أي والله أهوى جنونه عاد صدقني=حتى ولو كان ما جيته ولا جاني
ملك فؤادي وحبه قام يسرقني=ما صار بالبال غيره واحد ثاني
من زود عشقي غرامه با يمزقني=هز المشاعر وهز الروح وأركاني
ما عاد لي حيلة(ن)سحره مطوقني=حتى عن اللي أحبه قبله أعماني
لكن مدري متى بلطفه يروقني=يبري جروح الفؤاد ويرحم أشجاني
اللي لها وقت بالأعماق ترهقني=صرت أتحدى غرامه ويتحداني
سكن حنايا ضلوعي قام يعزقني=وأنا الذي من جروحي وجدي أشقاني
أيام وشهور بحباله معلقني=لا هو معي بالطريق ولا تعداني
قيدني الشوق مدري كيف يعتقني=من شان يرجع مثل ما كان سلطاني
وأعود وأجمع شتاتي بعد فرقني=وأرمي ورا ظهري الأمي وأحزاني
أسج في عالم(ن)مجهول مشرقني=أهد وأبني حلوم الشوق من داني
التميز
الإهداءات
القلب وصاني ...!!!
رد: القلب وصاني ...!!!
