أسعدكم الله
ما كنت ناوي أكتب لكن تجري الرياح بما لا تشتهي السفن
الأبيات
ياحبيبِ(ن)يهيم القلب بقذيلته=ليش تذبح لقلبي بعد طول إشتياق
ما أتحمل غيابك يوم مع ليلته=كيف ذا لحين تطري للبعد والفراق
ذا كلامٍ(ن)يطير عقلي وحيلته=عاقني فوق ماني يا حبيبي معاق
وجه هجرك حبيبي طوح بشيلته=يا حسافة قويت تقول مالا يطاق
انجرح قلبي اللي منك ترتيلته=صدمةٍ(ن)يأخذ لعقدين ماعاد فاق
ضيق الصدر حكيٍ(ن)زايده كيلته=لو سمع به شمالي كان ولول وضاق
كيف حالي بعد ما قلت يا ويلته=عز قلبي بموته سم طعنتك ذاق
يا وليف الزمان اللي نها قيلته=ياخسارة سهر عيني مرير المذاق
الزمن يا وليفي بينه ميلته=وجه الأيام بين فيه طبع النفاق
هم عمري مجهز للسفر خيلته=بهجر الدار كله وأسكن الواق واق
حلم روحي تدهور مأكل بصيلته=ما بقا بعد هذا للأماني سياق
حبل وصلك قطعت اليوم توصيلته=كل مالا يليق من السواليف لاق
ياحبيبِ(ن)يهيم القلب بقذيلته=ليش تذبح لقلبي بعد طول إشتياق
التميز
الإهداءات
وجه هجرك حبيبي طوح بشيلته !!!
رد: وجه هجرك حبيبي طوح بشيلته !!!
