أسعدكم الله
اليكم الأبيات بدون مقدمات
يا عشيرٍ(ن)بعد طول غياب تنشد كيف جوي=من شهور الجو والله يا عشيري ما صفا لي
الحرارة والبرودة ما تطفي جمر ضوي=ضوي اللي مشتعل بالصدر من فرقاي غالي
كيف يصفا جو وأنته مختلف نوك ونوي=العواصف مبعدة ممطر سحابك عن حلالي
كل ما لاحت بروقك جالها عاصف مغوي=ما تهنيت بحقيقة معك يا حلمٍ(ن)خيالي
أتمنى وأتعنى والبخت حبل متلوي=كل ما فكيت عقدة ينعقد طارف حبالي
ضاع بصري ياعشيري طالبك وشلون أسوي=العنا نعرف بدايته ولا بان له تالي
الغرام اللي شعلته بالحشا جمره يكوي=والعلاج اللي يداوينا مع القدرة محالي
شاب طفل الحب بضلوع الشقا صار متثوي=والليالي ياعشيري في هوانا ما تبالي
الليالي ما تفرق بين خير وبين سوي=كل ما قلت الزمان يزين شاينه إتكا لي
ضاع عمري في حراك وضعت وأنا أقول توي=ما طعمنا غير مُر الشوق ما ذقنا لحالي
لا متى نشكي مواجيع الغرام اللي مهوي=لا صفا جوي ولا جوك صفا يابعد حالي
يبست عروق الغرام ولا بقا عرق متروي=جفت أنهار الأماني كلها يا هم لالي
ما بقا غير الونين اللي بخفاقي يدوي=تحت عوج الصدر من قهر البعاد اللي جرى لي
ياعشيري من بعادك ما صفا في يوم جوي=من شهور الجو والله يا عشيري ما صفا لي
التميز
الإهداءات
البخت حبل متلوي !!!
رد: البخت حبل متلوي !!!
