ظنك بغيبتك برتاح !!!!

باكورة الديوان رقم 8

علها تروق لكم

يا صاحبي ظنك بغيبتك برتاح=حاشا ورب الخلق ما حس راحه
مع كل دقة قلب شوقي الك صاح=ظني جميع الخلق تسمع صياحه
أنت الهوى للروح مسرى ومسراح=حبك بوسط القلب ما شيء زاحه
ينزاح ضلع طويق والشوق منزاح=للغالية هذا كلام الصراحه
اللي لها دمي من أشواقها فاح=كنه على جمر الغضا يوم لاحه
عقب بروحي هم وأوجاع وجراح=يصعب دواها من طبيب الجراحه
مالي دوا الا مواصلك يا صاح=وصلك يعقب بالشعور إنشراحه
لو صرت لك يا ناعم العود مسباح=أهون علي من الهجر والمناحه
قلبي وفكري فيك يا فاتني طاح= في بحرك الحالي وزاده ملاحه
ينظم قصيدي فيك وأعهدك لماح=تعرف بمضمون القصيد ومزاحه
بعض المشاعر تنفهم قبل الإفصاح=والبعض منها ينجلي بالفصاحه
يا صاحبي ظنك بغيبتك برتاح=حاشا ورب الخلق ما حس راحه

مصافحة اولى



صح لسانك مليااار


رائعة تضاف الى روائعك المتعددة

يا سلام شاعرنا المبدع


صح لسانك وسلمت يداك

صح لسانك على هذا الابداع والتألق


تقبل التحية

صح لسانـــــك

ششاعر مبدع

أستاذي بن هليل / صح لسانك ولا هان راسك

على هذه القصيدة الرائعة اللتي كان لي شرف الوقوف ببابها
وارتشاف عذب حروفها .

دمت بخير وأكثر

الله عليك


دائما مميز تتحفنا بعذب المشاعر عبر ارقى الحروف

صح لسانك



ابدعت وامتعت لا هنت

صح لسانك يا مبدع القوافي



لك الود والتحية

صح لسانك واعتلا شانك


قصيدة رائعة بروعة فكرك وشاعريتك