علمتني حياتي من معانيها كثير
وانطبع كل معنى في فؤادي واستقر
علمتني علومٍ مالها أوَّلْ واخير
شيٍّ العقل يقبلْ به وشيْ مِنَّه يِفِرْ
علمتني أعانق بسمة الطفل الغرير
واجعل الإبتسامة لي عناوين وفخر
وشْ تكون الحياه اللي بلا وجْهٍ نظير
وش تكون الحياه اللي يخالطها الكدر
كلما مر يومٍ أكتشفْ إني صغير
قطرةٍ في بحرْ شاسعْ وموجه ينتثر
ياغروري أنا منْ وسط هالكون الكبير
ذرّةٍ ماتشاهدها قياسات البصر
وعلمتني حياتي كيف أحيا واستشير
واعرف ان المشوره كلها حكمه ونظر
وعلمتني التسامح معْ كبيرٍ أو صغير
وعلمتني أنَظّفْ خافقي من كل شر
وعلمتني أنام وما أبالي بالشخير
واحلم بْنور صبحٍ يشرق بْكل العمر
مع أجمل تحياتي لكم(أحمد حسن المرحبي)
(صانع الكلمة)
التميز
الإهداءات
علمتني حياتي
