صمت وجداني !!!

طاب ليلكم بالمسرات

يا هجوسي سرى برق القصيد يلوح=صوب دارٍ(ن)بها ناسي وخلاني
قمت أدندن والاعب قافي المملوح=والمشاعر تحاتي صمت وجداني
قام دمي بقلبي والعروق يفوح=ذكريات الليالي هزت أركاني
ودي بشوفتك ياللي ترد الروح=تبري الوجد من قاصي ومن داني
مير من دونك الممنوع والمسموح=كلها كايدة يا نصفي الثاني
دونك البعد يذبح فارسٍ(ن)طحطوح=لو تميدح يعود منك خسراني
يا شبيه القمر والشمس كتم البوح=خير من عبرةٍ(ن)تفضح بالأعياني
الهوى من تولع فيه يا ممدوح=يطرح لصاحبه لو كان ما كاني
من عرفتك وأنا في جنتك مطروح=بين جمرك وثلجك ذقت ما جاني
قلبي اللي يضمك بالهوى مذبوح=منحرق من غرامٍ(ن)نام بأحضاني
جاير الشوق سوى بالخفوق جروح=ينزف القلب والهاجوس وداني
صوب وقتٍ(ن)مضى لي ما هقيت يروح=يوم كنا نسامر ليلنا الفاني
قبل نشكي صدود وننحرق من نوح=بالليال الجديدة تال الأزماني
ما هقيت الزمن يا عشقي المفضوح=يجرح القلب وإلا يدمي أجفاني
لين ذقت العنا في صمتي المشروح=في بيوت القصيد بحاضر الحاني
في هجوسي سرى برق القصيد يلوح=صوب دارٍ(ن)بها ناسي وخلاني

اول من يرد انا المفروض اخذ جائزة

صح لسااانك

صح لسانك رائع

راقت لابو سعد

صح لسانك ابدعت لله درك

موفق

مبدع صح لسااااااااااااانك

صح لسانك دائما مميز

تقبل التحية

ممتاز صح لسااااااانك لا هنت موفق

يعطيك العافية شاعرنا قصيدة رااااائعة

صح لسانك واعتلا شانك لا هنت

لله درك ايها الشامخ

صح لساااااانك