أسعد الله أوقاتكم
الأبيات
ذكريات الوقت الأول بقلبي راسخه=باقية خلف المحاني سجلٍ(ن)ما انمحى
كاتبه بحروف دمي ولاني ناسخه=دام قلبي منغمس في غرامه ما صحى
الليالي بعد غيبة حبيبي ماسخه=وأقبح من الغيبة المؤلمة بُعد أقبحا
لو بغيت أزور خلي ظروفي بايخه=وإن بغا خلي يجيني ظروفه تفدحا
شبت وأنا والزمن والهوى بمصامخه=ما طلعت بفيد يبهج وجيهك ياللحا
يبست عروق الجسد كن عظمي سالخه=مثل عودٍ(ن)ميبسينه ولا فوقه لحا
ما بقي لي غير حلمٍ(ن)بعقلي نافخه=يبترم بالفكر كنه على ظهر الرحى
والمشاعر في خفوقي كبار وشايخه=من سنين أكنها عن عذول وعن وحى
الليال المقبلة بالهقاوي صارخه =رايحة عني نحية وأنا عنها نحا
والليال الماضية ما تعود دايخه=ما بقي لي غير ذكرى زماني إنتحى
ذكريات الوقت الأول بقلبي راسخه=باقية خلف المحاني سجلٍ(ن)ما نمحى
التميز
الإهداءات
ذكريات الوقت الأول بقلبي راسخه !!!
رد: ذكريات الوقت الأول بقلبي راسخه !!!
