لن ضاق صدر حبيبي ضاق صدري !!!

لن ضاق صدر حبيبي ضاق صدري=وليا فرح مدعوج الأعيان غنيت
غنيت مجرور وهجيني وحدري=وتبعت في دنيا الهوى ما تمنيـت
أنظم قصيدي فيه ويزين شعري=لا من تهيض خاطري فيه سجيت
ملهم هجوسي بالهوى والي أمري=يأمر وينهاني ليا رحت وإن جيت
القاه معنى عشق في حرف نثري=والقاه لهفة شوق في داخل البيت
أغازله ما بين شطرٍ(ن)وشطري=طول النهار وحلم ليلي ليا أمسيت
كل ليلةٍ(ن)حلمي مع الطيف يسري=كل ما أتمنى لأمنية قال ياليت
وليا طلبني حاجته ماش عذري=جهزت مطلوبه عجل ما توانيت
وليا طلبته حاجتي قال بدري=اصبر وأنا من زايد الصبر مليت
الى متى بصبر على البعد مدري=ضاع العمر ما نلت ماهو تمنيت
راحت سنين وتالي العمر يجري=واللي كسبته من زماني فتافيت
ما جاء زماني حسب ما راد فكري=يا قل ما أخذته ويا كثر ما أعطيت
ما نلت من حلم العمر لو عشري=اللي بغيته كان ياكيت من كيت
واللي خذيته ما يزود لصبري=ومن يوم شفت الحظ مقفي فقفيت
الخاتمة يارب ترفع لقدري=في كل وقت ادعيك وإن قمت صليت
رفعت لك شكواي من كل عسري=وأثنيت لك بالحمد في كل ما أسديت
يارب ياعالم بجهري وسري=اسألك عفوك كان ياربي أخطيت
رحمتك بالدنيا ورحمة بقبري=لا صرت بين يديك ياخالقي ميت
يارب وسع ضيق قبري وصدري=يامزبن المحتاج من فضلك أغنيت

صح لسانك واعتلا شانك


احترامي والتحية

صح لسانك للرضا

تقبل التحية

صح لسانك وفيت وكفيت لله درك

قصيدة ممتازة صح لساااااااااانك

صح لساااااااااااانك


تقبل التحاياااااااااا

روووعة صح لسانك واحساسك شاعرنا

احسنتك


صح لساااااااااااااانك

صح لساااااااانك وطاب نباك

صح لسانك شاعر متمكن لله درك