شربت سم البُعد ياشينها كاس !!!

أسعدكم الله بكل خير أين ما كنتم

كالعادة بدون مقدمات اليكم الأبيات

ياليل سامرني بعد ناموا الناس=وانا عيوني طاردة زاير النوم
كل مابعد هوجاس قربت هوجاس=تلعب بي الأفكار في جد وحلوم
أحيان فيها عزم وأحيان في ياس=أسج خيل الفكر والخيل ملجوم
ماكني إلا واحدٍ(ن)معه وسواس=يصفق لكف بكف والصدر مهموم
لا من ذكرت لصاحبٍ(ن)عذب الأنفاس=أقفت به الأيام والرزق مقسوم
بين الجواهر يشبه لنادر الماس=وبين الكواكب بدر والباقي انجوم
لا من ذكرته صافي الفكر ينحاس=ودي بعلمٍ(ن)عنه لو عندي علوم
هواه يقدح داخلي مثل الأقباس=يجتاحني عاصف من الشوق محموم
أون وعروق الهوى فيً يباس=من حر مابي عقب فرقاه مكلوم
يا مشغلٍ(ن)للقلب حطمت قرناس=ما عاد بي يامشغلي جهد وعزوم
شربت سم البُعد ياشينها كاس=وياشين مشروبٍ(ن)ليا صار مسموم
أوجاعها بالقلب ماعاد تنقاس=ينهد بيت االروح لا صار ملغوم
الليل كله أضرب أخماس بأسداس=كل ما بنيت لهاجسٍ(ن)طاح مهدوم
بيبان وصله دونها صار حراس=واللي من أول يمكن اليوم معدوم
ياليل سامرني بعد ناموا الناس=وانا عيوني طاردة زاير النوم

صح السانك يابن هليل وتقبل مني هالمداعبه

كليب جاه الموت من رمح جساس=وابن هليل موته بسهم مسموم
من عين نادرةً تقل عين قرناس= حرمه وتذبح شيخ يامكبر اللوم

اقتباس : المشاركة الأصلية كتبت بواسطة عثمان الثبيتي [ مشاهدة المشاركة ]

صح السانك يابن هليل وتقبل مني هالمداعبه كليب جاه الموت من رمح جساس=وابن هليل موته بسهم مسموم من عين نادرةً تقل عين قرناس= حرمه وتذبح شيخ يامكبر اللوم

صح بدنك ولا هنت مداعبة بمداعبة

كليب مات برمح والظلم ينداس=وابن هليل راس ياشاعر القوم
حتى الملوك تجيبهم عين نعاس=وأنته ضحية عينها ما أنت محروم
ياللي تدق أجراس وتسكت أجراس=منها لها والعلوم واضح ومفهوم
محدٍ(ن)غناوي عنك ياعذب الأوناس=ينفخ شريم النار لو كان مشروم
شوف الفلوق اللي تثالغ من الراس=ختم الصبية فوق جبهتك مختوم
الذيب ينجب ذيب والعرق دساس=محدٍ(ن)من البيض الخراعيب معصوم

صح السانك واستلم

الحب هذا راح من سبة الناس = والله ماصدق حب في عالم اليوم
نزوات بأسم الحب حطولها راس =وجتك المهبل تفرق اللون والسوم
حتي القصايد فيه ماغير قرطاس=بأاحروف مكتوبه والاحساس معدوم
بيتن يخط ابدون تقدير واحساس = مثل اللذي يشرب من اقلاص زقوم

ههههههههههههه خخخخخخخخخخخخخ الا يالله انها تشب النار بينهم كلهم مشعوذين يتطاقون خواتمهم ههههه
صحت السنتكم والله انكم ملح المنتدى وانا اتجرى عليكم واحبكم والله لايحيكم ههههههههه

اقتباس : المشاركة الأصلية كتبت بواسطة سعيد مرزوق العبد [ مشاهدة المشاركة ]

صح السانك واستلم الحب هذا راح من سبة الناس = والله ماصدق حب في عالم اليوم نزوات بأسم الحب حطولها راس =وجتك المهبل تفرق اللون والسوم حتي القصايد فيه ماغير قرطاس=بأاحروف مكتوبه والاحساس معدوم بيتن يخط ابدون تقدير واحساس = مثل اللذي يشرب من اقلاص زقوم

العبد ياعثمان متلبطه ماس=ايدير عينه كنها نظرة البوم
يفتي بلا ذمة ولا علم كياس=غثربت صاف العد ياعبد سلوم
ليت المطوع يبطحك ببن عباس=يجلدك لين العبد ما يقدر يقوم
والا ندفك بالشفا يبن فرناس=يمكن تظلي بالسما طاير تحوم
خل الهوى والشعر ياطابخ الفاس=محدٍ(ن)بيعشق عبد والخشم مرثوم
محروق مثل البن في جوف محماس=لا شيفةٍ(ن)زينه ولا سكبة هدوم
سعيدتك تهناك وعقوصها أمراس=يامرافقٍ(ن)لقرنق ومعادي الروم
ياسرع ما هبهب على سعيد نسناس=يصبح بعده سعيد للشعر زيزوم
ياسعيد هذا مزح يالابس الطاس=والا أنت يا مال القشر عبد محشوم

اقتباس : المشاركة الأصلية كتبت بواسطة عثمان الثبيتي [ مشاهدة المشاركة ]

ههههههههههههه خخخخخخخخخخخخخ الا يالله انها تشب النار بينهم كلهم مشعوذين يتطاقون خواتمهم ههههه صحت السنتكم والله انكم ملح المنتدى وانا اتجرى عليكم واحبكم والله لايحيكم ههههههههه

ههههههههههههههههههه

برضك الى الأن ورى الخواتم

أنا ما أتعامل بها لكن الظاهر إنك لاعب فيك خاتم سعيد


أنت مجنون خاتم العبد ماهو هين لا تورط فيه تروح وطي

الله الله


صح لسانك مدد ابداع معهود


ما عليك منهم ياشيخنا حتى المطر لها محب وكاره

والشجرة المثمرة هي التي تنحذف من العاجزين عن الوصول لثمرها

صح لسانك مليون ولا يكفون




قصيدة رائعة

صح لسانك يا مبدع القوافي واستاذ الشعر



تقبل الاحترام