مساكم تخاريف علها تروق لكم وما ترفع ضغطكم
ياللي سكنت بخافقي ثم حرمته=طعم الهنا وأنته بجوفه تذريت
حاولت تفهم مقصدي ما فهمته=وحاولت أخبي مقصدي عنك وأزريت
زرعٍ(ن)زرعته من سنينٍ(ن)صرمته=ما بان له منتوج ياما تحريت
بنيت لك بالقلب قصر وهدمته=هدمت عرش أحلام عشق وتواريت
تجاهلك بخر لحلمٍ(ن)حلمته=عجزت أحقق حلمي اللي توريت
ياليتني ما كان حلمي رسمته=وياليتني ما كان بالحلم مريت
كان إسترحت وهم روحي كتمته=أخير من عمرٍ(ن)رحل مستسريت
لا أنا رحمت ولا أنت قلبي رحمته=روح ضحية بين غازٍ(ن)وكبريت
شب الهوى في خافقي ما علمته=أثر الهوى مسه مثل مس عفريت
جرح الهوى ياجارحي ما سلمته=ما أنته بري لو كان مني تبريت
أنت السبب صبري ببعدك هزمته=ما عاد لي حيلة ولا فادني ريت
من دون مشعر سري اللي حكمته=على الملا أعلنت به ما تدريت
أعلنت عشقي للبشر ما ظلمته=فدوه كل العُرب وأكراد تكريت
ياللي سكنت بخافقي ثم حرمته=طعم الهنا وأنته بجوفه تذريت
التميز
الإهداءات
حاولت أخبي مقصدي عنك وأزريت !!!
رد: حاولت أخبي مقصدي عنك وأزريت !!!
