مساكم خير وصباحكم سرور
الأبيات غير موجهة لشخص بعينه مجرد خواطر فكر لا صلة لها بواقعي
لكنها قد تكون بحياة أخرين
علها تروق لكم
زمان يوم إنك مثل بلسم الجرح=قلبي تعلق فيك وانا ما شفتك
كنت أتمنى المحك بالنظر لمح=أحلم تكون الورد وأحلم قطفتك
واليوم بان إن سكرك خالطه ملح=ويا ليتني ما كان جيت وعرفتك
ياللي تحسب إنك تكرمت بالشح=أدري وتدري بالردى ما كلفتك
بعد تأكدت إنك تولعت بالمدح=عن سكة أحلامي عزمت وحرفتك
لا تنتظر مني مجامل ولا صلح=النفس طابت والخلف ما خلفتك
من بعد شفت تجارتك ما بها ربح=في سوق نسياني بلحظة صرفتك
بدلت جمعك في حساباتي بطرح=برخيص بعتك دامني ما حسفتك
معروف حلو التمر ما يطلع بسرح=ياطلع عني منتحي ما خرفتك
ماني بمن يستبدل الورد بالطلح=زرعت لك الغام نسف ونسفتك
هذا قراري مثل ما جيتني رح=من صفحة أيامي تراني حذفتك
التميز
الإهداءات
برخيص بعتك !!!
رد: برخيص بعتك !!!
