اسعد الله اوقاتكم بكل بخير،اول مشاركه لي بمنتداكم الشامخ اتمنى ان ترتقي لذائقتكم ..
استقالة مشاعر!
جاني بعد غيبة على القلب طالت
جاني يذكرني بحباً لنا فات
جاني بعد ما دنــيتـه فيه مـــالت
وجار الزمان وذاق مر المعانات
جاني وروحي من شقاء الويل نالت
ما يدري ان الحب في داخلي مات
حتى المشاعر غـادرت واستـقالت
واللي بقـلبي كان شلته من الــذات
الحب وأنواع اﻻحـاسيس زالت
ما عاد له بالقلب روحة وجيات
يا ما تـــرجيته ونفسه تـعـالت
ويا ما على شانه تحملت صدمات
ويا ما بكيت ودمعة العين سالت
وياما وياما عشت ليلي متاهات
حتى المآسي في حيـاتي تتــالت
وصارت تداعب هاجسي كل اﻻوقات
من يوم غاب ورجعته استـحـالت.
وإنا اتعذب دون ذنب وخطيات
يكفي ترى نفسي من الهم شالت
يكفي عذاب وكافي اللي لنا فات
اجـدادنا قــالوا واﻷمثال قـــالت
وصارت تداول من سنيناً قديمات
الورده اللي من الظمأ استمالت
تذبل وتفقد عطرها مثل اﻻموات
ارجع مثل ما كنت غيبتك طالت
ياما انتظرتك لين اﻻحساس بي مات
وســــــــــــﻼمتكم ،،،
بقلمي:
بشير الخولي
التميز
الإهداءات
استقالة مشاعر
