أسعدكم الله بالدنيا والأخرة
أبيات علها تروق لكم
كل ماهبني من صوب خلي هبوب=قلت:ياليتها تحمل لمرسالها
الغلا بالقلوب الله يعين القلوب=والمسافات باقيةٍ(ن)على حالها
وضعنا ما تغير والفؤاد معطوب=والمشاعر على ما قيل يرثا لها
جمرة الشوق تكوي بالحنايا شبوب=هي مكاسب خفوقٍ(ن)بالهوى نالها
شفت شمس المحبة مقفية للغروب=سود الأيام فال الله ولا فالها
ما بقا غير حسرة في ضمير مغلوب=من حلومٍ(ن)تقافت كيف ما نالها!
يا جروح المحبة ليت قلبي يتوب=بعد جرب طعون الحب واشتالها
مير ماهو بتايب من غرام اللعوب=لين يدفن ويبعث فيه مدهالها
مثل ما قالوا العشاق:فيها يذوب=مستحيلٍ(ن)يحب لغروه ابدالها
الهوى والمحبة ماهي بلبس ثوب=من بغا بالليال يزيلها زالها
المحبة من الله خير والا ذنوب=عالمٍ(ن)بالنفوس وعالم أحوالها
كل ماهو كتب فوق العباد محسوب=والرضا بالنهاية عمها خالها
لو تخلا خليلي بعد كل الطيوب=عهد مني م أسد أبواب لوصالها
والله إني ما أبدل حب ما به عيوب=لين روحي تلاقي يوم لأعمالها
كل ماهبني من صوب خلي هبوب=قلت:ياليتها تحمل لمرسالها
التميز
الإهداءات
الغلا بالقلوب الله يعين القلوب !!!
رد: الغلا بالقلوب الله يعين القلوب !!!
